البنت عايزه ايه " كلمات زجلية "

البنت عايزه ايه
البنت عايزه ايه
عايزه كل حاجة
حبيبها روش وبيه
وعنده كل حاجة
يخلص في هواه ويوفي
وعنده مال يكفي
وحياتها معاه تكون ايه
تشبه كدة الترفيه
رقيق كده زي الورد
ويحميها ولا بودي جارد
وياسلام لو واد وسيم
حياتها تبقي نعيم
اقل حاجة تعملها
تفرس بيه الحريم
ولو طيب شوية
تقول ما عندوش شخصية
ولو دايما معاندها
تروح تشتكي لوالدها
ولما يسمع كلمة أمه
تقول دلدول ابن امه
يعني لما تبقي زوجة
مش عايزاه بغيرها يحس
ولما ف يوم تبقي أم
عايزه ابنها ليها وبس
يعني انتي بقي ياجميل
عايزاه راجل تفصيل
الله يكون في عونه
م تاخدوه وهو نونو
ربوه انتوا علي اديكوو
وشوفوا ايه يرضيكوو
ولا أقولكوا انا عندي فكرة
ما تصبروا لحد بكرة
يمكن يخترعوا حاجة
عنوانها "لو محتاجة "
عندنا راجل تفصيل
قرب جرب ياجميل
بيغني لو عايزاه
وبيلطم ويقول آه
وبيعمل شغل البيت
ويربيلك الكتاكيت
ومقولكيش ده رومانسي
يعني معاه راح تنسي
قربوا عندنا يابنات
مين فيكوو هتقول هات
ده فيه مزايا كتير
وممكن يوصل لوزير
الموضوع كله اهو عاندك
وعمره ف يوم ما يعاندك
ولو بعد الشر عنك موتي
ما يعشي يوم كده بعدك
لأنك تقدري ياعنيه
تتحكمي في مدة الصلاحية
وتضمني مفيش واحدة غيرك
تاخد حاجة كانت في ايدك

» حصرياً .. النجم محمد الاسمر .. الشيخ و البنت .. شديدة جداً
» اكبر مكتبه من صور الهكر "صور مهمة للمخترقين و مصميمي الأندكسات"
» حصريا احمد رجب واغنيه " عايزنى انساك " CD.Q 320kbps
» حصريا من الحب المستحيل ايوان " اكبر كذابه " Radio Version 192Kbps
» حصريا الحب المستحيل والنجم جاد شويري " ولا اول ولا تاني " Radio Version 192Kbps